Act 11 | DOB | STEP | Ta Yesu 'ana tosimanao, ta wate toekalesiyao, taudi Yudia 'ana tomiyanao, ni'atu tetela sinonona 'aene 'aidi tomota taudi nigeya me Yudia ni'atu Yaubada 'ina ona siemisena.

Acts 11

Guinuwa gete manuna Pita 'isimasimana

1 Ta Yesu 'ana tosimanao, ta wate toekalesiyao, taudi Yudia 'ana tomiyanao, ni'atu tetela sinonona 'aene 'aidi tomota taudi nigeya me Yudia ni'atu Yaubada 'ina ona siemisena. 2 'Enega tuta nina Pita 'itu'e limana Yelusalema 'enaya, toekalesiyao taudi Mosese 'ina loina 'ana tomuliyao, Pita nina silomugiyena, 3 sigwae, “Mwa'adega ga 'enega 'oyo 'ulugu taudi nigeya me Yudia 'idi anuwaya ga ma'emwao wa'e'ai?”

4 'Enega Pita 'ilolagata ga guinuwa gete maibo'ana 'iemwasalina, 'igwae, 5 “Lowa 'abo'agu Yopa 'ena yamiyami ta yasidasida Yaubada 'ena, ga 'enomata'ita'ita, 'enega 'ebweu yage ya'itena 'atuwa kaleko sinabwana ta tupitupinao ata 'ediyega sietabetabe mwa'utenama 'eguya. 6 Yage nina yaduneduneyena, ga yobaiyao, be yobai bosasa, be mwata, be wate manuwao, kaleko nina solanaya ya'itedi, 7 ga 'ebweu 'enana yanonona 'ieonegu, 'igwae, ‘Pita, 'utoolo be 'amu yobai 'uunudi be 'u'a'a.’

8 “Ta 'abo'agu yagwae, ‘'Inapwana, tuwa! Manuna nigeya 'ebweu wate yage etaetabuna yada 'enina.’

9 “Ta 'enana nina galewega 'iona limana, 'igwae, ‘Yaubada yobai natedi ni'atu 'igie'esasedi, 'enega geya'abo 'u'awa'awa to'umaliyedi.’

10 “Yage nina matoi 'eguya 'iapwesama, ga 'enana nina wate matoi 'ieonegu, ga muliyega maibo'ana 'itu'e ga 'ikwaiya galewaya. 11 Ta gote tuta nina 'enaya, tai 'etoi siapwesa anuwa nina 'ena yamiyami, Sisalia 'enega simai manugu.

12 “'Enega Yaluyaluwa Tabuna 'ieonegu, 'igwae, ‘'Utoolo be geya'abo 'uenuwanaluwa ta tuwa tuga taudi ma'emwao watatauya.’ Ta gosedao site sikisi gete si'oayabugu, ga 'atauya Konilio 'ina anuwaya, ga 'alugu.

13 “Ta tai nina 'emaya 'iemwasala 'igwae, ‘Lowa 'ebweu anilose ya'itena 'igu anuwa solanaya 'itootoolo, ta 'igwae, “Konilio, 'imu 'ali'eiyao 'uetunedi Yopa 'ena, be Saimoni, tauna sieesena Pita, sida 'au'ewenama, 14 be tauna tetela 'ida eonami, be 'enega 'omi ma imu susuyao 'etoseyana wada loba.” ’

15 “'Enega yalolagata ga yaonaona, ta Yaluyaluwa Tabuna 'ediya 'imwa'utama, nadigega lowa 'abo'ada 'edaya 'igimi mwa'utama.

16 “'Enega 'Inapwana 'ina ona lowa yanuwa'i'isina, 'igwae, ‘Yoni tomota bwasiyega 'igiebapitaisoedi, ta 'omi ma'etamo Yaluyaluwa Tabuna 'enega wada bapitaiso.’ 17 Yaubada 'ina 'ebwaya nina 'ediya nadigega 'abo'ada 'edaya, tuta nina tagimi emisa 'Inapwana Yesu Keliso 'enaya. 'Enega 'abo'agu nigeya sawesaweguya Yaubada 'ina guinuwa gete ya'etobode.”

18 Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.” 14:27

Toekalesiyao 'asa Anitioki 'ena

19 Lowa toekalesiyao 'adi talauwalao Sitibeni siloemwawasina, ta wate sitoo be toekalesiyao maibo'adi sida mutudi, 'enega toekalesiyao nidi sidena mali 'asa be mali 'asa 'ediya, ga 'aidi siapwesa Pinisia be Saipilosi be Anitioki 'ediya, ga tetela bobo'ana sisimanena me Yudia dimo 'ediya, ta nigeya 'asa nidi 'adi tomiyanao maibo'adi 'ediya. 20 Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya, 21 ta 'Inapwana 'igiewaiwaiyedi, ga tomota yaudi 'idi ona siemisena, ga sisanaila 'Inapwana 'enaya.

22 Taudi nigeya me Yudia, ta ni'atu siemisa 'Inapwana 'enaya, 'enega tetelidi 'i'elelewana ga toekalesiyao Yelusalema 'ena sinonona, 'enega Banaba sietunena be 'iayausidi. 23 Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya. 24 Manuna Banaba nina tai bobo'ana ga Yaluyaluwa Tabuna 'iloemaena ta ma ina emisa sinabwana 'Inapwana 'enaya. 'Enega 'ina loguguya 'enega tomota yaudi 'Inapwana siemisena, ga toekalesiyao 'idi boda 'isinabwa.

25 'Enega Banaba 'itauya Tasisi, ga Saulo 'i'ebesena, 26 ga 'ilobena, 'enega ma'iyana siila Anitioki 'enaya. 'Enega yakwala 'ebweuna solanaya silugulugu toekalesiyao nidi 'idi deliegogonao 'ediya, ta tomota yaudi sie'ie'itadi. 'Asa nina Anitioki 'enaya Yesu 'ana tomuliyao tuta nina 'ena sigimi eesedi Kelisitianiyao.

27 Tuta gote 'enaya 'aina palopitao Yelusalemega simwa'uta Anitioki 'enaya, 28 ta 'ebweuna 'ediyega, 'ana esana Agabu, 'idi deliegogona 'ena 'itoolo, ga Yaluyaluwa Tabuna 'ina waiwaiyega 'igimi simanena 'aene ma'etamo botana sinabwana 'ida apwesa sena yauyaudi 'ediya, ga muliyega Sisa Kalodiu 'ina tuta etoloina 'enaya botana sinabwana 'iapwesa.

29 Ta tuta nina Yesu 'ana tomuliyao Agabu 'ina simana nina sinonona, taudimo siloiloina be 'ebweuna 'ebweuna sida tootoo be sida 'ebwayadaita be lema mani sida etune gosediyao nidi sena Yudia 'ena simiyami, 30 'enega sigimi 'ebwayadaita ga mani silobena, ga tuta nina botana 'iapwesa, 'enega si'ebwa'edi Banaba ta Saulo, ga taudi sitauyena sena Yudia 'enaya.